Улады Малайзіі запатрабавалі памяняць хот-догам назву на халяльную
Дэпартамент развіцця ісламу Малайзіі запатрабаваў ад уладальнікаў крам перайменаваць хот-догі — папулярныя сярод аматараў хуткага харчавання булачкі з сасіскамі.
Калі рэкамендацыя ўладаў не будзе выканана, у крамы могуць забраць сертыфікат на гандаль халяльнымі прадуктамі.
Як заяўляе кіраўніцтва ўрадавага органа, падобная мера выкліканая скаргамі з боку турыстаў-мусульман.
Назва прадукту «хот-дог» можа ўвесці ў зман, сказаў кіраўнік дэпартамента Сіраджудзін Сухаймі. «У ісламе сабака (dog) лічыцца нячыстай жывёлай, гэтае слова не можа адносіцца да халяльнай прадукцыі», — адзначыў ён.
У малайзійскіх правілах сертыфікацыі халяльных прадуктаў сказана, што яны не павінны насіць назвы нехаляльных — такіх як вяндліна, бекон, піва, ром і шэрагу іншых.
Мусульмане Малайзіі вызнаюць умераны іслам, аднак у апошні час у краіне адзначаецца рост кансерватыўных настрояў.
Цяпер чытаюць
У Гомелі закрылі забягалаўку прадпрымальніка-лукашыста і знішчылі яго плакат са Сталіным13
Каментары