Невядомыя дамалявалі калючы дрот на графіці аб сяброўстве Мінска і Масквы ФОТА
Невядомыя перамалявалі графіці аб сяброўстве Мінска і Масквы на шматпавярхоўцы па вуліцы Магілёўскай, 32. У букеце і вянку з рамонкаў і васількоў мінчукі заўважылі новы элемент — калючы дрот.
Па інфармацыі Еўрарадыё, «карэкцыя» насценнага жывапісу адбывалася ў першай палове дня ў нядзелю 23 кастрычніка.
Вакол хадзілі людзі, але ніхто не звяртаў увагі на тое, што ля сцяны стаіць пад'ёмнік, на якім працуе чалавек у камбінезоне.
Праз праект Signal аўтар перадаў, што цяпер у графіці ёсць хоць нейкі сэнс: «Выратаваць? Тое, што мёртвае, памерці не можа. Але сэнсу дадаць удалося».
Нагадаем, у чэрвені расійскі мастак Артур Кашак стварыў сваё графіці на сталічнай шматпавярхоўцы. Яно стала своеасаблівым падарункам да Дня Масквы Мінску. Мінчукі тады адрэагавалі на малюнак па-рознаму.
Раней аўтар малюнка распавёў, што на графіці сышло каля 300 балончыкаў фарбы і гэтая праца стала для яго на той момант самай маштабнай.
Як паведамлялі сталічныя ўлады, хлопчык на малюнку сімвалізуе Мінск, а дзяўчынка — Маскву. На іх кашулях — гербы гэтых гарадоў. Праца была выкананая па ініцыятыве прадстаўніцтва горада Масквы.
Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам36
Каментары