З 31 кастрычніка на левым беразе Свіслачы пачалася рэканструкцыя, паведаміў агенцтву «Мінск-Навіны» галоўны інжынер УП «Гардарбуд» Ігар Андрэйчык.
Фота Сяргея Лукашова. Больш фота тут
Пакуль ідзе падрыхтоўка: рабочыя пачалі ўстаноўку металаканструкцый для агароджы будпляцоўкі, а таксама дэмантаж пліткі.
Працягласць рэканструяванага ўчастка ад вуліцы Багдановіча да Вострава слёз больш за 370 м. Трэба будзе ўмацаваць існуючы край набярэжнай, замяніць парапет, пабудаваць падземны туалет (ён будзе ўпісаны ў адхон), зрабіць новыя лесвіцы, пандусы, аглядныя пляцоўкі, замяніць сеткі вонкавага асвятлення і брук пешаходнай зоны, зладзіць газоны, устанавіць малыя архітэктурныя формы (лаўкі, каваныя агароджы на пляцоўках адпачынку і інш.).
Генпадрадчыкам па правядзенні рэканструкцыі стала ААТ «Мінсквадбуд». Гэтая арганізацыя вядомая ачысткай ракі Свіслач і Чыжоўскага вадасховішча, выконвала яна і рэканструкцыю парка Перамогі. Як удакладніў Ігар Андрэйчык, падчас таргоў гэта акцыянернае таварыства прапанавала найбольш прымальныя ўмовы работ: перыяд будаўніцтва 13,5 месяца (па праекце на гэта патрабуецца 19 месяцаў), першапачатковая цана рэканструкцыі была зніжаная на 20%.
Для выканання работ спатрэбіцца панізіць прыкладна на 80 см узровень вады ў Свіслачы, цяпер рыхтуецца адпаведнае рашэнне гарвыканкама. Таксама ад Траецкага прадмесця часова прыбяруць баржу, на якой размяшчалася адкрытае летняе кафэ.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары