Кандаліза Райс: Рэжым Лукашэнкі брутальны, і ЗША будуць падтрымліваць тых, хто працягвае змагацца за свабоду
Пра гэта заявіла дзяржаўны сакратар ЗША падчас наведваньня офісу «Радыё Свабода» ў Празе.
«Я ведаю, што ў Беларусі гэта цяжка. Я ведаю, што рэжым Лукашэнкі брутальны, — падкрэсліла яна. — Мы будзем працягваць працаваць з апазіцыяй, з недзяржаўнымі арганізацыямі. Я асабіста сустракалася ў гэтымі людзьмі. Іншыя краіны таксама вельмі дапамагаюць».
К.Райс зазначыла, што ЗША «вельмі шчыльна працуюць» з Еўрасаюзам над праблемамі, якія тычацца Беларусі. «Нярэдка патрабуецца час, але іншым разам усё адбываецца вельмі хутка — раптам штосьці зрушваецца, і пачынаюцца перамены», — зазначыла дзяржсакратар.
Каментары