Наша ўсходняя суседка падазрае беларускіх вытворцаў у дэмпінгу і пачынае адпаведнае расьсьледаваньне.
Пра гэта «Интерфаксу» паведаміла гендырэктар дзяржаўнага вытворчага аб’яднаньня «Упраўленьне харчовай прамысловасьці Менгарвыканкаму» Глафіра Ермаковіч.
Такім чынам, беларускі сыр стаў чарговым аб’ектам антыдэмпінгавага расьсьледаваньня ў Расеі. Напрыканцы чэрвеня прэм’ер‑міністар Расеі Ўладзімер Пуцін загадаў Фэдэральнай антыманапольнай службе разабрацца з сытуацыяй вакол беларускага сухога малака.
Нагадаем, што ў мінулым месяцы Россельгаснагляд займеў прэтэнзіі да літоўскіх сыравараў. З 16 чэрвеня была ўведзеная часовая забарона на ўвоз у Расею сыроў найбуйнейшага літоўскага вытворцы «Рокішка Сурыс». Такое рашэньне было прынятае «у зьвязку з парушэньнямі літоўскім вытворцам расейскіх вэтэрынарна‑санітарных нормаў».
На сёньня беларускія вытворцы сыру займаюць на расейскім рынку трэцяе месца. На першым месьцяцца ўкраінскія сыравары, на другім — літоўскія.
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары