Некаторыя віды цыгарэт падаражэюць у Беларусі з 1 лютага, паведамілі БелТА ў прэс-службе Міністэрства па падатках і зборах.
Падаражанне закране прадукцыі ААТ «Гродзенская тытунёвая фабрыка «Нёман». Некаторыя віды цыгарэт Pall Mall вырастуць у цане на 5 або 6 капеек. На 6 капеек падаражэюць некаторыя віды цыгарэт Cooper і Velvet, на 5 капеек — асобныя віды цыгарэт Kent, Vogue і Rothmans, пры гэтым Rothmans Nano Blue падаражэе на 6 капеек. На такую ж суму вырастуць у цане і асобныя віды цыгарэт Oscar.
Стане даражэйшай і прадукцыя ТАА «Тытунь-Інвест». Цана на некаторыя віды цыгарэт Mevius і Winston вырасце на 5 капеек. На такую ж суму стануць даражэйшыя некаторыя віды цыгарэт Glamour.
Павысяцца цэны і на імпартныя цыгарэты. Так, некаторыя віды цыгарэт Richmond і Rothmans стануць даражэйшыя на 5 капеек, а асобныя віды Aroma Rich — на 10 капеек.
Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на тытунёвыя вырабы.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары