Ваенны факультэт Акадэміі авіяцыі сёння праводзіць Дзень адкрытых дзвярэй для будучых абітурыентаў
Дзень адкрытых дзвярэй адбудзецца 18 лютага на ваенным факультэце Беларускай дзяржаўнай акадэміі авіяцыі, паведаміў сайт Міністэрства абароны краіны.
Факультэт чакае навучэнцаў сярэдніх школ, гімназій, ліцэяў, а таксама сярэдніх спецыяльных навучальных устаноў.
«Гасцям ваеннага факультэта не прыйдзецца сумаваць. Юнакі, іх бацькі і педагогі змогуць даведацца пра ўсё, што іх цікавіць аб падрыхтоўцы па ўнікальных спецыяльнасцях вышэйшага і сярэдняга спецыяльнага ўзроўняў адукацыі», — гаворыцца ў паведамленні.
Адбудзецца сустрэча з камандаваннем і прафесарска-выкладчыцкім складам факультэта, падчас якой наведвальнікі змогуць задаць свае пытанні.
Пачатак мерапрыемства а 10.00. Акадэмія авіяцыі чакае гасцей па адрасе: г. Мінск, вул. Убарэвіча, 77 (праезд ад станцыі метро «Аўтазаводская» аўтобусамі № 21, 16 да прыпынку «10-я бальніца»).
Атрымаць дадатковую інфармацыю можна праз тэлефон (017) 341-37-44.
Сюжэт «Ваен-ТБ» пра абарону дыпломаў на ваенным факультэце ў БДАА:
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню46
Каментары