Навінавыя рэсурсы і карыстальнікі сацыяльных сетак масава перапошчваюць фэйкавую навіну пра тое, што нібыта «толькі 16% беларускіх мужчын дажываюць да пенсіі».
Такая інтэрпрэтацыя ўзнікае праз няправільнае разуменне статыстычных дадзеных. Белстат распаўсюдзіў паведамленне да 23 лютага. Паводле падлікаў, 16% беларускіх мужчын старэйшыя за працаздольны ўзрост, 65% знаходзяцца ў працаздольным узросце, а рэшта — маладзейшыя.
«16% старэйшых за працаздольны ўзрост» азначае толькі, што кожны шосты беларускі мужчына — пенсіянер. Ніякага дачынення да працягласці жыцця гэтая лічба не мае.
Паводле статыстыкі, чаканая працягласць жыцця ў мужчын па стане на 2015 год складала 68,6 года.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў15
Каментары