Падлетак адкрыў страляніну ў французскім ліцэі Алексіса дэ Таквіля у горадзе Грас на поўдні краіны, паведамляе ВВС. Агенцтва Рэйтэр са спасылкай на прэс-службу паліцыі паведамляе аб васьмі параненых, французскія СМІ пішуць пра двух-трох пацярпелых.
Паводле даных СМІ, 17-гадовы вучань ліцэя ў Грасе (дэпартамент Альп-Марыцім), узброены двума пісталетамі і стрэльбай, пранік у будынак навучальнай установы і адкрыў агонь.
Як мяркуецца, ён хацеў застрэліць дырэктара ліцэя. Паводле даных газеты Figaro, апошні атрымаў раненне ў руку, але выжыў. Падазраваны затрыманы.
Па інфармацыі газеты Le Monde, вартавыя парадку абясшкодзілі выбухную прыладу на аснове дымнага пораху, якая была выяўленая ў будынку ліцэя.
Паводле папярэдніх вынікаў расследавання, нападнік дзейнічаў у адзіночку. Паведамляецца, што ўсіх пацярпелых ён параніў з драбавіка. Акрамя стрэльбы і двух пісталетаў у маладога чалавека знайшлі дзве навучальныя гранаты.
Паліцыя пакуль не паведамляе, расцэньвае яна здарэнне як тэракт ці як звычайнае злачынства, якое не мае тэрарыстычнай падаплёкі.
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары