Аб'яднаны каардынацыйны цэнтр Ірана, Расіі і груповак, што падтрымліваюць Башара Асада, паабяцаў адказаць на «новыя акты агрэсіі» супраць Сірыі, «ад каго б яны не зыходзілі». Пра гэта, паведамляе Reuters, гаворыцца ў заяве, апублікаванай каардынацыйным цэнтрам.
ЗША, гаворыцца ў дакуменце, «перайшлі чырвоную лінію», нанёсшы ўдар па сірыйскай урадавай авіябазе ў правінцыі Хомс.
«З гэтага моманту мы будзем адказваць сілай любому агрэсару і на любое парушэнне «чырвонай лініі», ад каго б яно не зыходзіла. Амерыка ведае, што мы здольныя годна адказаць», - цытуе Reuters заяву каардынацыйнага цэнтра.
Амерыканскі ўдар па базе ў Сірыі абмяркоўваўся і ў час тэлефоннай размовы паміж прэзідэнтам РФ Уладзімірам Пуціным і прэзідэнтам Ірана Хасанам Рухані. «З абодвух бакоў была адзначаная недапушчальнасць агрэсіўных дзеянняў ЗША супраць суверэннай дзяржавы ў парушэнне нормаў міжнароднага права», — паведаміла прэс-служба Крамля.
ЗША 7 красавіка нанеслі ракетны ўдар па сірыйскай урадавай базе ў правінцыі Хомс. Удар, як абвясціў Вашынгтон, стаў адказам на выкарыстанне войскамі Асада хімічнай зброі ў правінцыі Ідліб, дзе 4 красавіка загінулі больш за 80 чалавек і больш за 500 атрымалі атручанне. Сірыя ўжыванне хімічнай зброі адмаўляе. Іран і Расія раней асудзілі ўдар ЗША па базе ў Сірыі.
Каардынацыйны цэнтр Ірана, Расіі, Ірака і груповак, што падтрымліваюць Башара Асада, быў створаны восенню 2015 года. Цэнтр знаходзіцца ў Багдадзе.
«Размаўляў увесь час па-беларуску». Павел Севярынец запісаў свой першы зварот пасля вызвалення20
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары