Частка будынкаў на плошчы Якуба Коласа ў Мінску прададзеная прыватным інвестарам
Частка будынкаў на пл. Якуба Коласа ў Мінску прададзеная прыватным інвестарам, перадае БЕЛТА з цырымоніі падпісання дагавораў.
«Прададзеныя аб'екты, прадугледжаныя распараджэннем ад 27 мая 2017 года. Гаворка ідзе пра будынак гандлёвага цэнтра «Імпульс», а таксама аб'екты, якія прымыкаюць да яго. Пакупнікамі сталі два інвестары прыватнай формы ўласнасці, рэзідэнты Беларусі», — сказаў старшыня Дзяржаўнага камітэта па маёмасці Андрэй Гаеў.
Згодна з распараджэннем, тэрыторыю плануецца асвойваць комплексна. Мінскі гарвыканкам распрацоўвае канцэпцыю асваення ўсяго квартала, агульны кірунак якога — інавацыйная пляцоўка з акцэнтам на распрацоўку праграмнага забеспячэння, укараненне навукаёмістых тэхналогій. Тут таксама размесцяцца аб'екты гандлю і абслугоўвання. Заключаныя дагаворы якраз прадугледжваюць выкарыстанне набытых будынкаў для мэтаў, звязаных, у прыватнасці, з гандлем, аказаннем розных паслуг, грамадскім харчаваннем. Такім чынам, будзе забяспечана комплекснае засваенне тэрыторыі.
Акрамя таго, распараджэннем дадзенае даручэнне знайсці інвестараў на чатыры аб'екты ў раёне пл. Якуба Коласа па вуліцы Кульман, 1. Цяпер праводзіцца праца па вывучэнні попыту на гэтыя аб'екты. Асноўныя кірункі — навукаёмістыя тэхналогіі, распрацоўка праграмнага забеспячэння.
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу29
Каментары