У аўторак у Мінску праваахоўнымі органамі затрыманы першы намеснік старшыні Белкаапсаюза Дзмітрый Баранаў. Гэтую інфармацыю TUT.BY пацвердзілі дзве не звязаныя адна з адной крыніцы.
«Следчым камітэтам у рамках расследавання крымінальнай справы аб карупцыі ў якасці падазраванага прыцягнуты адзін з кіраўнікоў Белкаапсаюза. Праводзіцца расследаванне», — заявіла TUT.BY афіцыйны прадстаўнік Следчага камітэта Юлія Ганчарова. Гаворка ідзе пра артыкул 430 КК (атрыманне хабару).
Белкаапсаюз — буйны аператар гандлю, яго сетка налічвае больш за 8 тысяч гандлёвых аб'ектаў і 700 аўтамагазінаў. У мінулым годзе актыўна асвятляліся праблемы арганізацыі. За апошнія 5 гадоў доля спажыўкааперацыі ў аб'ёме рознічнага тавараабароту гандлю знізілася на 4 п.п. — да 7,1%.
У міністэрства антыманапольнага рэгулявання і гандлю, у прыватнасці, былі пытанні да Белкаапсаюза ў частцы своечасовасці разлікаў з пастаўшчыкамі. Паводле звестак Белстата, рознічны тавараабарот арганізацый гандлю спажывецкай кааперацыі ў 2016 годзе склаў 2,2 млрд рублёў. Таварныя запасы склаліся на ўзроўні 232,6 млн рублёў, што раўнасільна 42 дням гандлю.
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці38
Каментары