Лідар украінскага гурта «Воплі Відоплясова» Алег Скрыпка выступіў з заявай, якая выклікала скандал у суседняй Расіі.
Падчас школы журналістыкі Скрыпка тлумачыў, што яму не хапае ўкраінскамоўнай прасторы:
«У маёй краіне мар, у ідэальнай краіне, украінская — пануючая мова ў грамадстве. Там на радыёстанцыях круцяць 100% ўкраінскай музыкі, а не 25-35 жабрацкіх адсоткаў.
У маёй краіне мар дзяржава працуе ў рэзанансе з вядучымі культурнымі дзеячамі. Там мір і абсалютная перамога Украіны ў вайне, якая зараз працягваецца.
У маёй краіне мар я даю столькі канцэртаў, колькі хачу — 5-7 у месяц, не больш, але ў добрых залах. Там я магу рэалізаваць велізарныя праекты — пачынаючы ад фестываляў і працягваючы маімі выступамі з рознымі аркестрамі ў добрых залах, у оперы, напрыклад, у палацы «Украіна», арэнду якога я цяпер не магу сабе дазволіць.
Я не дзяржаўны дзеяч, я летуценнік, максімаліст. Я хацеў бы жыць у цалкам украінскамоўным культурным асяроддзі. Вакол сябе я гэта рэалізую — я маю зносіны з найлепшымі ўкраінцамі, я бяру на працу ў свой штат ўкраінскамоўных прафесіяналаў.
Калі людзі не валодаюць украінскай, яны маюць поўнае права шукаць працу ў іншых краях».
«Людзі, якія не могуць вывучыць украінскую, маюць нізкі IQ, такім ставяць дыягназ «дэбілізм». Трэба іх аддзяліць, таму што яны сацыяльна небяспечныя, трэба стварыць гета для іх. І будзем дапамагаць ім, як дапамагаюць людзям з праблемамі, на валанцёрскіх пачатках будзем спяваць ім «Уладзімірскі цэнтрал», — працягнуў Скрыпка.
У Расіі яго абвінавацілі ў нацызме. Адрэагаваў і расійскі МЗС у асобе Марыі Захаравай.
Сам Скрыпка патлумачыў, што ягоныя словы вырвалі з кантэксту. Ён наракае, што ва Украіне занадта мала кантэнту на дзяржаўнай мове. «Я прапаную дапамагаць рускамоўным ўкраінцам, прадастаўляючы ім адукацыйную падтрымку», — заявіў Скрыпка.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай2
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары