У Брэсце п'яная кіроўца заснула на плячы ў інспектара, пакуль на яе складалі пратакол
У цэнтры Брэста інспектары затрымалі вельмі п'яную жанчыну за рулём «Рэно». Пра гэта паведамілі ў ДАІ рэгіёна.
Інцыдэнт адбыўся 1 мая, каля 23.20, на скрыжаванні вуліцы Савецкай і праспекта Машэрава. Увага інспектараў прыцягнуў «Рэно Сандэра», кіроўца якога няўпэўнена ажыццяўляў паварот. Супрацоўнікі ДАІ спынілі аўтамабіль.
За рулём машыны знаходзілася 30-гадовая берасцейка. Па знешніх прыкметах жанчына была моцна п'яная. Пазней гэта пацвердзіла і медасведчанне — 2,5 праміле алкаголю.
- Падчас афармлення адміністрацыйнага матэрыялу жанчына зусім расслабілася і заснула на плячы ў інспектара. Паводле яе слоў, за некалькі гадзін да затрымання яна выпіла віна, - сказалі ў ДАІ.
На парушальніцу склалі адміністрацыйны пратакол па ч. 1 арт. 18.16 КаАП Беларусі, аўтамабіль даставілі на штрафстаянку.
У ДАІ адзначылі, што за тры гады вадзіцельскага стажу ў жанчыны не было ніводнага парушэння ПДР.
Стала вядома, дзе працуе фаварытка Лукашэнкі Уладлена Зайцава19
Каментары