ААТ «Кандытарская фабрыка «Слодыч» плануе выпусціць лінейку печыва для рознічных крам ЗША, паведаміў БЕЛТА першы намеснік старшыні канцэрна «Белдзяржхарчпрам» Ігар Шустаў на палях міжнароднай сельскагаспадарчай выставы «Белагра-2017».
«Сёлета ў нас цэлая праграма па асваенні рынку ЗША. Мы сустракаліся з карпарацыяй Walmart. Плануем зрабіць лінейку «Слодыча» спецыяльна для амерыканскага рынку і прадставіць у крамах амерыканскай розніцы ўжо восенню», — адзначыў Ігар Шустаў.
Таксама прадпрыемствы канцэрна актывізавалі працу па выхадзе на рынак КНР. «Мы былі ў Шанхаі, плануем паехаць у Гуанчжоу, Ганконг. Кітайская дэлегацыя да нас прыязджала, пабывала на ўсіх фабрыках. У прынцыпе, усё падабаецца. У першую чаргу яны зацікаўленыя ў куплі кандытарскай прадукцыі», — распавёў першы намеснік старшыні.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары