Грамадства33

Аляксандар Казулін затрыманы па дарозе на пахаваньне

Таксама сёньня раніцай было абрабаванае аўто і зламаны сайт палітыка. Адначасова стала ясна, што для вырашэння пытаньня аб памілаваньні прызнаньне зьняволеным сваёй віны не зьяўляецца абавязковай умовай.

Машына з Казуліным і дзьвюма яго дочкамі была затрыманая супрацоўнікамі ДАІ па дарозе ў Дзяржынск, ля вёскі Васілеўшчына. Паводле словаў міліцыянтаў, ім «надышоў загад спыніць машыну». Нібыта, на праспэкце Незалежнасьці аўтамабіль не прапусьціў пешахода і стварыў аварыйную сытуацыю.

Аляксандар Казулін ехаў на пахаваньне цесьця з могілак, дзе пахаваная яго жонка Ірына. Пахаваньне пачынаецца у 12.00 і Казулін не пасьпявае праз затрыманьне.

«З учорашняга дня мяне ўсюды суправаджаюць тры невядомыя машыны. Сёньня раніцай быў абрабаваны мой аўтамабіль. Цяпер я не магу трапіць на пахаваньне. Лукашэнка працуе на свій імідж. Нават у жалобны дзень ён ня можа ня ціснуць на мяне. Гэта можа яго асабісты загад, або загад яго падначаленых», - адзначыў А.Казулін.

Раніцай быў абрабаваны аўтамабіль «Вольва», які належыць Аляксандру Казуліну.

З аўтамабіля зьніклі дакумэнты сваяка Аляксандра Казуліна, які карыстаўся машынай.

Апроч таго, сёньня зазнаў ddos-атаку сайт Аляксандра Казуліна. Цяпер сайт не працуе.

Нагадаем, палітзьняволены быў вызвалены з турмы ўчора. Сёньня ён возьме ўдзел у пахаваньні цесьця.

Крыніца ў Адміністрацыі прэзідэнта Беларусі пацьвердзіла БелаПАН інфармацыю аб тым, што 15 жніўня Аляксандр Лукашэнка падпісаў указ аб памілаваньні Аляксандра Казуліна.

Як заявіў БелаПАН юрыст і былы адвакат А. Казуліна Ігар Рынкевіч,

згодна зь беларускім заканадаўствам для вырашэньня пытаньня аб памілаваньні прызнаньне зьняволеным сваёй віны не зьяўляецца абавязковай умовай.

Каментары3

Цяпер чытаюць

Латушка абвяргае абвінавачанні ў харасмэнце ад дэлегаткі КР Карпушонак80

Латушка абвяргае абвінавачанні ў харасмэнце ад дэлегаткі КР Карпушонак

Усе навіны →
Усе навіны

Апеляцыйны суд ЗША прызнаў большасць тарыфаў, уведзеных адміністрацыяй Трампа, незаконнымі3

Кіберпанк па-беларуску: у 2026 годзе выйдзе гульня Replaced, натхнёная «Бегуном па лязе»

У Кітаі адкрываецца самы высокі мост у свеце ФОТЫ4

Турыст у Кеніі напаіў півам слана і справакаваў скандал

«Такія выпадкі вельмі рэдкія». Прадпрыемства адказала беларусцы, якая знайшла ў марожаным кавалак металу1

Гомельскі губернатар пахваліўся, што сёлета ў рэгіёне стала больш першакласнікаў. Але леташнія лічбы гэтаму пярэчаць4

Латушка паведаміў пра атрыманне пагрозы ад КДБ9

Пяты НПЗ у Расіі спыніў перапрацоўку нафты пасля атакі беспілотнікаў

Колькасць загінулых у Кіеве праз расійскую атаку дасягнула 25 чалавек

больш чытаных навін
больш лайканых навін

Латушка абвяргае абвінавачанні ў харасмэнце ад дэлегаткі КР Карпушонак80

Латушка абвяргае абвінавачанні ў харасмэнце ад дэлегаткі КР Карпушонак

Галоўнае
Усе навіны →

Заўвага:

 

 

 

 

Закрыць Паведаміць