Алесю Чахольскаму з КХП БНФ адмянілі штраф у 30 базавых велічынь, які Фрунзенскі раённы суд вынес актывісту за мітынг у Курапатах 3 сакавіка. Рашэньне адмяніць штраф і перадаць справу на новы разгляд у той жа Фрунзенскі раённы суд 13 чэрвеня вынес судзьдзя Менскага гарсуду Алег Зямцоў.
«Падчас разгляду маёй справы ў Фрунзенскім раённым судзе было шмат працэсуальных парушэньняў, на іх я ўказаў падчас разгляду скаргі. Для мяне нечакана, што судзьдзя прыслухаўся да маіх довадаў, хоць не выключаю, што новы разгляд справы дасьць іншы вынік, але і тое добра», — сказаў у камэнтары для Свабоды Алесь Чахольскі.
3 сакавіка побач з Курапатамі адбыўся мітынг з нагоды рашэньня фірмы- забудоўніка адмовіцца ад узьвядзеньня тут офіснага будынку. Пазьней шмат каго з удзельнікаў пратэставага лягера і тых, хто прыехаў на мітынг, пакаралі штрафамі, лідэраў абароны Зьмітра Дашкевіча і Сяргея Пальчэўскага арыштавалі. Актывіст КХП БНФ Алесь Чахольскі — адзін з тых, хто аспрэчыў пастанову раённага суду адносна акцыі ў Курапатах у менскім гарадзкім судзе.
У лютым Алесь Чахольскі быў першым, хто паведаміў Свабодзе, што побач з Курапатамі пачалася будоўля офіснага цэнтру. Неўзабаве да асьвятленьня падзей вакол будоўлі каля Курапатаў падключыліся іншыя СМІ, пачаліся стыхійныя акцыі пратэсту грамадзкіх актывістаў і простых грамадзянаў, побач з будоўляй узьнік лягер абаронцаў Курапат. 2 сакавіка стала вядома, што будоўля офіснага цэнтру прыпыняецца, празь дзень забудоўнікі ўвогуле адмовіліся ад будоўлі.
-
У Беларусі забаранілі кітайскія тэлефоны. Норма ўтрымання свінцу ў іх была перавышана ў 330 разоў
-
Паглядзіце, які мілы сабака працуе на памежным пераходзе з Латвіяй ФОТАФАКТ
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі4
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3535
Каментары