Трагедыяй скончыліся скокі з кацельні ў Мінскім раёне для 27 гадовага хлопца, які нядзеляй 18 чэрвеня бавіў час у кампаніі джампераў.
Джамперы — гэта такія людзі, якія арганізуюць скокі з высокіх аб'ектаў (масты, вежы, кацельні) і бяруць за гэта грошы. Ахвотных экстрэмальна правесці час нямала.
Арганізацыяй трагічнага скачка займалася бадай самая вядомая ў краіне джамперская тусоўка, яны называюцца RJ Crank Team.
Як нам стала вядома, затрыманы па падазрэнні ў халатнасці — лідар Crank Team, яго клічуць Аляксей.
Можна сказаць, гэты хлопец стаў пачынальнікам джамперскага руху ў Беларусі — ён пачаў займацца скокамі ў 2011 годзе.
«На іх усе раўняліся. Заўсёды ўсё ў іх ладна зроблена, бяспечна… На ўзроўні, як кажуць. Перад тым, як скачуць людзі, заўсёды хтосьці з інструктараў скача раз ці нелькалькі разоў, каб і праверыць усё, і людзей супакоіць. Столькі гадоў гэта ўжо робіцца!.. Алгарытм даведзены да аўтаматызму, таму сітуацыя вельмі дзіўная. Следства пакажа», — апісаў нам Crank Team хлопец з іншай падобнай каманды.
Апроч Аляксея, у камандзе арганізатараў яшчэ два хлопцы.
Іншы чалавек, які ўжо скакаў з вежы, дзе адбылася трагедыя, таксама сказаў, што перад скачкамі арганізатары правяралі абсталяванне і сістэму на сабе.
Але ён удакладніў, што ў інструктажы прысутнічае такі пункт — трэба быць расслабленым і не чапаць страхоўку рукамі.
Маўляў, калі чалавек пачынае хапацца за тросы ў момант падзення, гэта неяк нядобра ўплывае на механіку скока, і пра гэта экстрэмалаў-навічкоў папярэджваюць.
З прадстаўніком каманды Crank Team мы звязаліся, але той зрабіў выгляд, што мы памыліліся нумарам.
Суполку каманды УКантакце таксама, дарэчы, закрылі і выдалілі некаторыя фота.
Вось, дарэчы, відэа ўдалага скоку з той самай вежы, дзе разбіўся чалавек.
Цяпер чытаюць
«Вітольд казаў: «Ну што вы, што вы…» А мянты пасля крычалі пра мора крыві». Палітвязень з суседняй камеры расказаў пра смерць Ашурка4
Каментары