Азербайджанская армія нанесла ўдар па армянскіх пазіцыях ў Карабаху, паведаміла ў пятніцу міністэрства абароны Азербайджана.
«У выніку [ўдару] знішчана значная сіла праціўніка, выведзеная са строю частка варожай ваеннай тэхнікі і некаторыя вайсковыя інфраструктурныя аб'екты прыведзены ў непрыдатны стан», — цытуе гэтае паведамленне Бі-бі-сі.
У Баку заяўляюць, што армянскі бок рыхтаваў «чарговую правакацыю».
У мінабароны непрызнанай Нагорна-Карабахскай рэспублікі (НКР) пацвердзілі інфармацыю пра ўзброеныя сутыкненні раніцай у пятніцу. Па звестках ведамства, трое армянскіх вайскоўцаў параненыя.
НКР сцвярджае, што Баку парушае рэжым спынення агню, выкарыстоўваючы як стралковую зброю, так і гарматы Д-30 і Д-44, мінамёты рознага калібру і гранатамёты.
Сітуацыя ў зоне карабахскага канфлікту абвастрылася 4 ліпеня, калі Азербайджан абвінаваціў армянскіх вайскоўцаў у абстрэле вёскі ў Фізулінскім раёне. Паводле інфармацыі Баку, у выніку абстрэлу загінулі мірныя жыхары, сярод іх дзіця.
Канфлікт паміж Азербайджанам і Арменіяй пачаўся ў 1988 годзе, калі населеная пераважна армянамі Нагорна-Карабахская аўтаномная вобласць заявіла пра выхад з Азербайджанскай ССР.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу2
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары