Ад ледніка ў Антарктыдзе адкалоўся адзін з найбуйнейшых у гісторыі айсбергаў, паведамляе ВВС.
Плошча гэтага гіганцкага ледзянога поля — прыкладна 6000 кв. км. Па памеры айсберг супастаўны з мегаполісам. Для параўнання: плошча беларускай сталіцы складае 348,8 кв. км, Лондана — 1572 тыс. кв. км, Шанхая — 6340 тыс. кв. км.
Айсберг быў зафіксаваны амерыканскім спадарожнікам, які пралятаў у сераду над шэльфавым ледніком Ларсен С.
Навукоўцы чакалі гэтай падзеі: яны ўжо больш за дзесяць гадоў назіралі за ростам расколіны ў ледніку. З 2014 года прасоўванне расколіны паскорылася, і нараджэнне новага гіганцкага айсберга выглядала справай бліжэйшага часу.
У бліжэйшы час плоскі айсберг таўшчынёй каля 200 метраў далёка не сплыве, але сачыць за ім трэба: пазней цячэнні і вятры могуць панесці яго на поўнач, дзе ён можа пагражаць суднаходству.
Каментары