У Крычаўскім раёне «наехалі» на падпісантаў пад зваротам за адстаўку старшыні райвыканкама
У Крычаўскім раёне старшыні сельскіх саветаў ездзяць па вёсках і настойліва «пераконваюць» падпісантаў пад зваротамі з патрабаваннем адстаўкі старшыні Крычаўскага райвыканкама Васіля Сысоева і неабходнасці адмены Дэкрэта №3 «Аб папярэджанні сацыяльнага ўтрымальніцтва» адклікаць свае подпісы, паведамляе выданне «Магілёўскі рэгіён».
Па словах сябра незалежнага прафсаюзу РЭП з Крычава Юрыя Шувалава, сельсаветаўскія чыноўнікі пераконваюць грамадзян напісаць пісьмовыя заявы аб адклiканнi сваіх подпісаў пад гэтымі зваротамі, пры гэтым намякаючы, што ў выпадку адмовы для іх могуць быць непрыемныя наступствы. На вёсцы народ больш запалоханы і некаторыя з падпісантаў паддаюцца на ўгаворы уладаў.
«Прычым настойваюць адклікаць подпісы і пад зваротам з патрабаваннем адстаўкі Васіля Сысоева, і пад раней пададзеным намі калектыўным зварот аб неабходнасці адмены дэкрэта аб дармаедстве. Многія людзі падпісаліся пад абодвума гэтымі звароты», — распавядае Юрый Шувалаў.
Асабліва настойліва «пераконвае» вяскоўцаў адклікаць свае подпісы пад зваротамі старшыня Чырванабудскага сельсавета Галіна Міхайлаўна Герашчанка, адзначае крычаўскі актывіст.
Магілёўскі праваабаронца Барыс Бухель у каментары «Магілёўскаму рэгіёну» адзначыў, што чыноўнікі з Крычаўскага райвыканкама і мясцовыя сельвыканкамы, у адпаведнасці з заканадаўствам, сапраўды маюць права правяраць дакладнасць подпісаў пад зваротамі грамадзян. Разам з тым пры правядзенні такіх праверак часцяком на падпісантаў аказваецца ціск, іх імкнуцца запалохаць. Барыс Бухель заклікае грамадзян не паддавацца на ціск з боку прадстаўнікоў мясцовых уладаў, і адразу ж паведамляць пра такія выпадкі праваабаронцам, па магчымасці фіксуючы дзеянні чыноўнікаў на відэа- і аўдыяносьбіты.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі10
Каментары