Усю Беларускую атамную электрастанцыю плануецца ўвесці ў строй летам 2020 года. Аб гэтым сёння на сустрэчы з кіраўніком Беларусі Аляксандрам Лукашэнкам заявіў генеральны дырэктар Дзяржаўнай карпарацыі па атамнай энергіі «Росатам» Аляксей Ліхачоў, перадае карэспандэнт БелТА.
«Мы ўчора працавалі ўвесь дзень на станцыі, абмеркавалі стан спраў. Гатовыя далажыць падрабязна, — сказаў Аляксей Ліхачоў. — Мы зыходзім з абавязацельстваў «Росатама» ўсю станцыю ўвесці ў строй летам 2020 года».
Гендырэктар «Росатама» падзякаваў беларускаму боку за пастаянную ўвагу да будаўніцтва БелАЭС. «Мы гэта адчуваем, адчуваюць і нашы будаўнікі, якія працуюць тут, у Беларусі», - сказаў ён.
Аляксей Ліхачоў нагадаў пра размову кіраўніка беларускай дзяржавы з прэзідэнтам Расіі ў канцы мая 2012 года, калі стартаваў праект. «Вы тады сказалі, што задача - пабудаваць самую бяспечную, самую сучасную станцыю ў Еўропе. І «Росатам» дзейнічае, зыходзячы з гэтай вашай устаноўкі. Сапраўды, гэта новае пакаленне па бяспецы (3+). У свеце такіх аналагаў няма», - заявіў Аляксей Ліхачоў.
Беларуская АЭС узводзіцца за кошт крэдыту Расіі, для яе будаўніцтва выбраны праект АЭС-2006 - тыпавы расійскі праект атамнай станцыі новага пакалення з выкарыстаннем вода-вадзянога энергетычнага рэактара ВВЭР-1200. Першая пастаўка ядзернага паліва на БелАЭС чакаецца ў канцы 2018 года. Увод у эксплуатацыю першага энергаблока запланаваны на 2019 г., другога - на 2020-ы.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары