Прэзідэнт Малдовы Ігар Дадон напісаў на сваёй старонцы ў Facebook, што пачынаюць выконвацца дамоўленасці з Аляксандрам Лукашэнкам, дасягнутыя падчас яго нядаўняга візіту ў Мінск. Пазней з'явілася і афіцыйнае паведамленне прэзідэнцкай прэс-службы.
Як піша Ігар Додон, згодна з дасягнутымі пагадненнямі Беларусь дасць Малдове ў якасці гуманітарнай дапамогі партыю сельскагаспадарчай тэхнікі — пяць трактароў МТЗ-82 і дзве спецыяльныя машыны, якія папоўняць парк камунальнай тэхнікі.
Акрамя таго, будзе арганізаваны адпачынак для дзяцей з няшчасных сем'яў у цэнтры адпачынку «Зубраня».
Таксама распрацоўваецца пагадненне аб павелічэнні доступу да медыцынскіх паслуг для малдаван, якія пражываюць у Беларусі.
«Працуем далей!» — падсумаваў Дадон і дадаў, што 30 верасня ў Мінску будзе арганізаваны Фестываль малдаўскага віна.
Як дакладвае Інтэрфакс, малдаўскія СМІ крытыкавалі візіт Дадона ў Беларусь, ацаніўшы яго як «турыстычную паездку».
Тады ў склад дэлегацыя былі ўключаныя выключна супрацоўнікі апарата прэзідэнта і сябры праўладнай «Партыі сацыялістаў», але ніводнага прадстаўніка апарату ўрада. Пры гэтым сустрэча з Лукашэнкам прайшла ў Віцебску, дзе кіраўнікі ўдзельнічалі ў адкрыцці фестывалю «Славянскі базар».
У Мінск члены Малдаўскай дэлегацыя прыляцелі рэйсавым самалётам праз Маскву, а назад, па распараджэнні Лукашэнкі, для іх быў арганізаваны спецыяльны авіярэйс.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2121
Каментары