Археолагі знайшлі пад Смаленскам артэфакт, які хавае «нешта цікавае»
Раскопкі на археалагічным комплексе Гнёздава працягваюць прыносіць вынікі: пасля знойдзенага гэтым летам упершыню за 30 гадоў варажскага мяча навукоўцы выявілі таямнічы шчыт.
Навукоўцы даследавалі пахавальную камеру ў кургане памерам 3 на 2,7 м. У цэнтральнай частцы быў выяўлены шкілет мужчыны, які ляжыць на баку і арыентаваны на захад.
Побач з целам знаходзіліся нож у ножнах, жалезнае лязо з кальцом, кашалёк з абрэзкамі манет.
«І каронная знаходка — драўляны шчыт ля галавы пахаванага!», — адзначае археолаг.
На шчыце захавалася каля 60 аковак, у цэнтры шчыта — жалезны умбон, які мацаваўся да драўлянага поля шчыта з дапамогай шасці заклёпак.
Навукоўцы змаглі выявіць рэшткі дошак з фрагментамі фарбы. Колер пакуль не ясны. Дыяметр шчыта — каля 85 см. Шчыт быў прыстаўлены да чагосьці і стаяў вертыкальна.
Новікаў адзначае, што шчыт зламаны напалову і «хавае пад сабой нешта цікавае». Гэтую інтрыгу абяцаюць вырашыць бліжэйшымі днямі.
Цяпер чытаюць
Дачка Надзеі Ермаковай пастаўляе рыбу ў калоніі, бальніцы і сілавікам2
Каментары