Archieołahi znajšli pad Smalenskam artefakt, jaki chavaje «niešta cikavaje»
Raskopki na archieałahičnym kompleksie Hniozdava praciahvajuć prynosić vyniki: paśla znojdzienaha hetym letam upieršyniu za 30 hadoŭ varažskaha miača navukoŭcy vyjavili tajamničy ščyt.
Navukoŭcy daśledavali pachavalnuju kamieru ŭ kurhanie pamieram 3 na 2,7 m. U centralnaj častcy byŭ vyjaŭleny škilet mužčyny, jaki lažyć na baku i aryjentavany na zachad.
Pobač ź ciełam znachodzilisia nož u nožnach, žaleznaje lazo z kalcom, kašalok z abrezkami maniet.
«I karonnaja znachodka — draŭlany ščyt la hałavy pachavanaha!», — adznačaje archieołah.
Na ščycie zachavałasia kala 60 akovak, u centry ščyta — žalezny umbon, jaki macavaŭsia da draŭlanaha pola ščyta z dapamohaj šaści zaklopak.
Navukoŭcy zmahli vyjavić reštki došak z frahmientami farby. Koler pakul nie jasny. Dyjamietr ščyta — kala 85 sm. Ščyt byŭ prystaŭleny da čahości i stajaŭ viertykalna.
Novikaŭ adznačaje, što ščyt złamany napałovu i «chavaje pad saboj niešta cikavaje». Hetuju intryhu abiacajuć vyrašyć bližejšymi dniami.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary