Пенсіянерка загінула ад удару токам у Магілёўскім раёне, піша Tut.by. Яна стрыгла траву самаробнай электракасілкай, паведамілі ў «Магілёўэнерга».
66-гадовая жанчына касіла траву на лецішчы ў вёсцы Валокі 4 жніўня. Газонакасілка была саматужнай вытворчасці. У нейкі момант з-за дрэннага мацавання састаўных частак і кепскай ізаляцыі электрычных кантактаў адбыўся судотык токаводных частак з металічным корпусам газонакасілкі, удакладнілі ў «Магілёўэнерга». Ад атрыманага разраду жанчына загінула на месцы.
Спецыялісты нагадваюць, што выкарыстоўваць электрапрыборы саматужнай вытворчасці небяспечна і катэгарычна забаронена.
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары