Па дадзеных экзітполаў, на рэферэндуме ў Швейцарыі грамадзяне краіны адхілілі праект першай за апошнія 20 гадоў пенсійнай рэформы, паведамляе Dw.de.
Пра гэта пасля закрыцця выбарчых участкаў у нядзелю, 24 верасня, паведаміў швейцарскі тэлеканал SRF. У сваю чаргу агенцтва AFP са спасылкай на экзітполы паведамляе, што супраць пенсійнай рэформы прагаласавалі 53% выбаршчыкаў.
Згодна з інфармацыяй тэлеканала, некалькі кантонаў ужо падалі дадзеныя па апрацаваных бюлетэнях. Ва ўсіх з іх, за выключэннем паўкантона Базэль-Штат, выбаршчыкі прагаласавалі супраць рэформы.
Папраўкі да выбарчага заканадаўства былі ўхвалены парламентам з мінімальнай перавагай галасоў яшчэ вясной. Яны прадугледжваюць павышэнне пенсійнага ўзросту для жанчын з 64 да 65 гадоў. Акрамя таго, планавалася павышэнне пенсійных узносаў з заробку і збораў ад ПДК. Пры гэтым стаўка ПДК павінна ўзрасці з 8,0 да 8,3 працэнта.
Кансерватыўная Швейцарская народная партыя (SVP), якая валодае большасцю ў Нацыянальным савеце, выступае супраць рэформы, лічачы яе занадта дарагім праектам «левых».
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары