Сэрыял. Чацьвер, 18.10, 23.00.
Цікавы, дынамічны, поўны нечаканых паваротаў сюжэт, не шаблонны, зусім не падобны да стэрэатыпнага халоднага і цынічнага паліцыянта герой, бесцырымонныя, выдатна вышкаленыя гангстэры.
Гэта мужчынскі баявік на фоне гісторыі кахання. Усё адбываецца ў Варшаве, дзе брутальныя маладыя бандыты, вышкаленыя у Замежным Легіёне, імкнуцца пераняць горад, які многія гады кантралюе кароль злачыннага свету па мянушцы Тапор.
Галоўны герой — Томаш Крушыньскі па мянушцы «Крушон» — малады афіцэр паліцыі, які са сваім партнёрам Рышардам працуе над разбіццём сеткі злачынных повязяў. Побач з імі паяўляецца прыгожая й незалежная Альдона. Паўстае поўны напружанасці і эмоцый трохкутнік.
Крушон сімвалізуе паліцыянтаў маладога пакалення. На выгляд звычайны хлопец з варшаўскага бандыцкага раёну, а ў сапраўднасці — глыбакадумны і спрытны паліцыянт. Ён выдатна адчувае сябе ў злачынным асяроддзі, што дапамагае яму пранікаць у злачынныя структуры, і распрацоўваць іх знутры. Моцны непахісны характар ды вернасць абраным прынцыпам не дазваляюць яму зламацца нават у цяжкіх сітуацыях.
Цяпер чытаюць
Польшча не адкрые мяжы і пасля сканчэння вучэнняў «Захад»42
Каментары