Прадстаўнічая беларуская дэлегацыя бярэ ўдзел у эканамічным форуме ў Польшчы.
Сустрэча адбылася ў рамках XVIII Эканамічнага форуму, што праходзіць ў куротным мястэчку Крыніца на поўдні Польшчы (г.зв. цэнтральэўрапейскі Давос).
Падчас сустрэчы Кабякоў і Паўляк адзначылі ўзаемны рост беларуска‑польскага гандлёвага абмену.
Так, двухбаковы зварот у студзені — ліпені вырас на 70 % у параўнаньні з аналягічным пэрыядам мінулага году і склаў $1773,6 млн. Беларускі экспарт у Польшчу вырас на 88,4% да $1147,3 млн., імпарт — на 44,2% до $626,2 млн.
Таксама адбылася кароткая гутарка Андрэя Кабякова з прэм’ер‑міністрам Польшчы Дональдам Тускам. Падчас размовы палітыкі абмяняліся думкамі пра стан двухбаковых гандлёва‑эканамічных стасункаў.
Андрэй Кабякоў выступіў таксама на пленарнай сэсіі «Эўрапейскія дылемы. Цэнтральная Эўропа: партнёр ці статыст».
У складзе беларускай дэлегацыі, што бярэ ўдзел у форуме, намесьнікі міністраў замежных спраў, эканомікі, энэргетыкі, пасол Беларусі ў Польшчы Павал Латушка, старшыня Гарадзенскага аблвыканкаму Уладзімер Саўчанка.
На форуме таксама прысутнічаюць прадстаўнікі і кіраўнікі «Белэнэрга», «Белтрансгаз», «Белнафтахім», «Белтэлекам».
Цяпер чытаюць
Польшча не адкрые мяжы і пасля сканчэння вучэнняў «Захад»42
Каментары