Акіян у кабінеце: у Мінску адкрыўся ўнікальны цэнтр эксперыментаў з вадой
31 кастрычніка дзіцячая пітная вада «Святая Крыніца Спорцік» («Святой Істочнік Спортік») адкрыла адзіны ў Беларусі водны клас у музеі займальных навук «Квантум». Спецыяльны трохузроўневы басейн імітуе рэкі і акіяны, прылады для стварэння хваляў і цунамі, а таксама дазваляе праводзіць шмат эксперыментаў.
Водны клас «Спорцік» зроблены па прыкладзе фінскіх школ, дзе дзяцей на ўроках вучаць з дапамогай эксперыментаў і поўнага ўцягвання ў працэс навучання.
«Лічыцца, што на вусных уроках дзеці запамінаюць толькі 20% інфармацыі. А вось калі ім даць самастойна правесці цікавы эксперымент, запомніцца да 80%, — распавядае Ілья Курашоў, дырэктар музея займальных навук «Квантум». — Для воднага класа «Спорцік» мы падрыхтавалі больш за 30 эксперыментаў. Адна справа прачытаць у падручніку пра прыродныя працэсы або пачуць ад бацькоў пра карысць пітное вады, і зусім іншая — убачыць гэта на свае ўласныя вочы на зразумелых і простых прыкладах».
Дык што ж цікавага можна ўбачыць?
Экспанаты воднага класа «Спорцік» прапануюць наведвальнікам максімальны ўдзел у эксперыментах: самастойна стварыць тарнада або цунамі, разгадаць таямніцу Бермудскага трохвугольніка, пакіраваць вадзянымі дамбамі, праверыць фізічныя ўласцівасці вады і ацаніць яе ўплыў на цела чалавека.
У музеі асаблівую ўвагу надаюць правільнай падтрымцы воднага баланса ў арганізме дзіцяці, які на 80% складаецца з вады, што амаль на 20% болей, чым у арганізме дарослага чалавека. Спецыялісты воднага класа паказваюць, што можа здарыцца з органамі, калі штодня піць толькі салодкія напоі. Напрыклад, супрацоўнікі музею прапарцыйна паказваюць, колькі цукру ўтрымлівае той ці іншы напой з тых, якія мы ўжываем штодня.
«З чатырох год у дзяцей пачынаецца актыўнае фарміраванне ўсіх сістэм арганізму, і менавіта з гэтага ўзроста дактары раяць прывучаць піць чыстую ваду, бо яна станоўча адбіваецца на самаадчуванні і росце, — кажа Дзяніс Крупец, прадстаўнік брэнда «Святая Крыніца Спорцік» і дырэктар IDS Borjomi Belarus. — Каб выхаваць у дзяцей здаровую звычку, мы выпускаем прыродную ваду «Святая Крыніца Спорцік» у зручным спартыўным фармаце, а яскравы дызайн дужа падабаецца дзецям малодшага школьнага ўзросту. Кампактная бутэлька са спартыўнай накрыўкай лёгка памесціцца ў школьны заплечнік, каб дапоўніць здаровую ссабойку, якую бацькі штодзень збіраюць у школу або дзіцячы садок».
Дарэчы, водны клас «Спорцік» будзе працаваць не толькі ў сценах музея. Аквазона хутка абзавядзецца пераноснай міні-лабараторыяй, з дапамогай якой расказваць пра водную стыхію і прывучаць дзяцей да здаровага ладу жыцця можна будзе і па-за межамі музея, напрыклад, на ўроках у школах.
Музей займальных навук «Квантум» месціцца па адрасе: г. Мінск, пр. Газеты «Праўда», 29 (ГЦ «Тытан»)
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м89
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1414
Каментары