«Дажджы і мокры снег чакаюцца ў Беларусі ў першай палове тыдня, да канца рабочага тыдня надвор'е палепшыцца», - сказалі БелТА ў Гідрамеце.
У аўторак ноччу на большай частцы тэрыторыі краіны — мокры снег і дождж, у асобных раёнах па поўначы моцны мокры снег. Днём атмасферныя франты пакінуць Беларусь, дажджы і мокры снег пройдуць толькі ў асобных раёнах, у асноўным па ўсходзе.
Тэмпература паветра ноччу ад мінус 2 да +4, днём +1—+7.
У сераду кароткачасовыя ападкі пройдуць уначы па крайнім паўночным захадзе краіны, а днём пераважна ў паўночных і цэнтральных раёнах. Ноччу мінус 3 да +2, удзень — ад нуля да +6.
У чацвер, 16 лістапада ападкі пройдуць пераважна па паўночнай частцы краіны, днём у крайніх усходніх раёнах.. Тэмпература паветра ўначы ад мінус 1 да +5, удзень +2-7.
У пятніцу, 17 лістапада, будзе пераважна без ападкаў. Ноччу і раніцай чакаюцца слабыя туман і галалёд. Тэмпература паветра ўначы складзе ад мінус 4 да +2, днём - +1-7.
Цяпер чытаюць
«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі2
Каментары