Google выпусціла кардонны канструктар, з якога можна сабраць сапраўдную камеру з падтрымкай нейрасетак
Кампанія Google выпусціла канструктар для самастойнае зборкі AIY Vision Kit, прызначаны для аматарскіх праектаў у вобласці штучнага інтэлекту. У камплект уваходзіць камера і спецыяльны чып, які дазваляе апрацоўваць малюнкі наўпрост на прыладзе без неабходнасці ў падключэнні да знешняга камп'ютара.
У траўні 2017 года Google абвясціла аб запуску праекта AIY Projects, у рамках якога кампанія будзе выпускаць недарагія наборы-канструктары для аматарскіх праектаў у вобласці штучнага інтэлекту.
Першы набор з серыі дазваляў сабраць прыладу для распазнавання голасу. Зараз кампанія прадставіла новы канструктар для апрацоўкі малюнкаў. Ён складаецца з кардоннага корпуса, дынаміка, аб'ектываў для камеры, кабеляў і некаторых іншых кампанентаў.
Галоўнай асаблівасцю набору стала ўключаная ў камплект плата VisionBonnet з чыпам Intel Movidius. Яна дазваляе выкарыстоўваць нейрасеткавыя алгарытмы наўпрост на плаце без неабходнасці ў дадатковым камп'ютары. Па змоўчанні яе праграмнае забеспячэнне складаецца з трох розных натрэніраваных нейрасеткавых мадэляў, прызначаных для распазнавання аб'ектаў розных тыпаў.
Канструктар даступны для папярэдняе замовы па цане 45 даляраў, а ягоныя пастаўкі маюць пачацца ў снежні.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары