Урад ЗША адмяніў трохгадовую забарону на вытворчасць смяротна небяспечных вірусаў у лабараторных умовах. Рашэнне патлумачылі тым, што патэнцыйная карысць даследаванняў кампенсуе магчымыя рызыкі, перадае Бі-Бі-Сі.
Лабараторыям цяпер можна будзе сінтэзаваць вірусы грыпу, атыповае пнеўманіі і блізкаўсходняга рэспіраторнага сіндрому.
Пасля зняцця забароны кожную даследчую заяўку будзе разглядаць адмысловая камісія навукоўцаў. Заяўка будзе ўхваленая толькі ў тым выпадку, калі камісія вырашыць, што іншага спосабу правесці даследаванне не існуе, а таксама калі рызыка кампенсуецца магчымай карысцю.
Установы, якія займаюцца даследаваннямі, павінны прадэманстраваць, што іх дзейнасць этычна апраўданая. У іх таксама павінна быць дастаткова рэсурсаў, каб забяспечыць бяспечную працу.
Забарона на даследаванні была уведзеная пасля таго, як у некалькіх дзяржаўных установах ЗША былі парушаныя правілы бяспекі пры працы з вірусамі, у іх ліку — з узбуджальнікамі сібірскай язвы і птушынага грыпу.
-
Кароткія тэксты ад штучнага інтэлекту замест спасылак — Google запусціў новую сістэму пошуку
-
Samsung збіраецца паставіць на смартфонах яшчэ адзін штучны інтэлект, акрамя Gemini
-
«Абсалютна нечаканыя і невытлумачальныя падзеі адбываюцца цяпер каля Зямлі». Выбух сонечнай плазмы паказвае рэкордную хуткасць
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары