Urad ZŠA admianiŭ trochhadovuju zabaronu na vytvorčaść śmiarotna niebiaśpiečnych virusaŭ u łabaratornych umovach. Rašeńnie patłumačyli tym, što patencyjnaja karyść daśledavańniaŭ kampiensuje mahčymyja ryzyki, pieradaje Bi-Bi-Si.
Łabaratoryjam ciapier možna budzie sintezavać virusy hrypu, atypovaje pnieŭmanii i blizkaŭschodniaha reśpiratornaha sindromu.
Paśla źniaćcia zabarony kožnuju daśledčuju zajaŭku budzie razhladać admysłovaja kamisija navukoŭcaŭ. Zajaŭka budzie ŭchvalenaja tolki ŭ tym vypadku, kali kamisija vyrašyć, što inšaha sposabu pravieści daśledavańnie nie isnuje, a taksama kali ryzyka kampiensujecca mahčymaj karyściu.
Ustanovy, jakija zajmajucca daśledavańniami, pavinny prademanstravać, što ich dziejnaść etyčna apraŭdanaja. U ich taksama pavinna być dastatkova resursaŭ, kab zabiaśpiečyć biaśpiečnuju pracu.
Zabarona na daśledavańni była uviedzienaja paśla taho, jak u niekalkich dziaržaŭnych ustanovach ZŠA byli parušanyja praviły biaśpieki pry pracy ź virusami, u ich liku — z uzbudžalnikami sibirskaj jazvy i ptušynaha hrypu.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Kamientary