Рэспубліканскі інстытут кантролю ведаў (РІКВ) пачне прымяняць новую методыку апрацоўкі вынікаў ЦТ у 2019 годзе. Аб гэтым сёння ў інтэрв'ю тэлеканалу «Беларусь-1» паведаміў дырэктар інстытута Юрый Міксюк, паведамляе БЕЛТА.
«Уступная кампанія у 2019 годзе павінна прайсці па новай методыцы. Іх вельмі шмат у свеце — ад вельмі простых да вельмі складаных. Мы збіраемся знайсці залатую сярэдзіну, каб для нашых грамадзян гэты падыход быў зразумелы і каб адначасова выконваліся дзве функцыі — ранжыравання і ацэнкі ведаў», — сказаў Юрый Міксюк.
Змены ў структуры выканання заданняў калі і з'явяцца, то яны будуць нязначнымі. У 2018 годзе ў гэтым плане нічога мяняцца не будзе.
Па даручэнні кіраўніка дзяржавы, змест ЦТ пераглядаецца з улікам зменаў у школьнай праграме. Для гэтага створаны спецыяльныя рабочыя групы. Адначасова РІКВ уносіць сваю лепту ў абнаўленне школьных і ўніверсітэцкіх праграм.
Юрый Міксюк закрануў таксама навацыі ў правядзенні рэпетыцыйнага тэставання. Так, з лютага ў Беларусі будзе яшчэ адзін від РТ — дыстанцыйнае.
Яго можна будзе прайсці бясплатна па ўсіх прадметах і атрымаць на сайце РІКВ поўны разбор сваіх памылак. Дырэктар інстытута адзначыў, што праходзяць апрабацыю новыя тэставыя заданні (пры гэтым верагоднасць сустрэць іх потым на ЦТ нулявая), абітурыенты ж атрымліваюць магчымасць паспытаць свае сілы і ацаніць узровень падрыхтоўкі.
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
-
МЗС Літвы не будзе разглядаць прапанову мясцовага дэпутата аб ануляванні акрэдытацыі офіса Ціханоўскай
-
Жанчыну-пульманолага з 30-гадовым стажам адправілі ў калонію па трох палітычных артыкулах
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары