Samsung прадставіла вялізны 146-цалевы экран і інтэрактыўную 4К-дошку
Напярэдадні выставы спажывецкае электронікі CES у Лас-Вегасе, якая сёлета пачнецца 9 студзеня, паўднёвакарэйская кампанія «Самсунг» прадэманстравала некалькі новых незвычайных прыладаў, сярод якіх — вялізны дысплэй і лічбавая дошка, паведамляе The Verge.
55-цалевую інтэрактыўную дошку Flip с 4K-экранам можна выкарыстоўваць як у гарызантальным, так і ў вертыкальным размяшчэнні. Пакуль не паведамляецца, на базе якой аперацыйнай сістэмы яна працуе.
На дошцы можна не толькі пісаць і маляваць, але і выводіць розную графічную інфармацыю. Для выкарыстання ў навучальным працэсе яна наўрад ці пасуе праз свае не самыя вялікія памеры, але, напэўна, будзе карыснай у сферы бізнес-прэзентацый.
Большае ўвагі заслугоўвае неймаверных памераў прылада The Wall («Сцяна») — модульны 4К-экран з дыяганаллю 146 цаляў, які выкарыстоўвае тэхналогію MicroLED з вельмі высокай яркасцю.
Як піша The Verge, можна выказаць здагадку, што праз высокі кошт экран The Wall будзе выкарыстоўвацца ў заможных дамах у якасці элемента хатняга кінатэатру.
Чытайце таксама: Samsung анансавала «нашыйнік» — дынамік, які мацуецца да шыі і які чуе толькі карыстальнік
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары