Samsung pradstaviła vializny 146-calevy ekran i interaktyŭnuju 4K-došku
Napiaredadni vystavy spažyvieckaje elektroniki CES u Łas-Viehasie, jakaja sioleta pačniecca 9 studzienia, paŭdniovakarejskaja kampanija «Samsunh» prademanstravała niekalki novych niezvyčajnych pryładaŭ, siarod jakich — vializny dyspłej i ličbavaja doška, paviedamlaje The Verge.
55-calevuju interaktyŭnuju došku Flip s 4K-ekranam možna vykarystoŭvać jak u haryzantalnym, tak i ŭ viertykalnym raźmiaščeńni. Pakul nie paviedamlajecca, na bazie jakoj apieracyjnaj sistemy jana pracuje.
Na došcy možna nie tolki pisać i malavać, ale i vyvodić roznuju hrafičnuju infarmacyju. Dla vykarystańnia ŭ navučalnym pracesie jana naŭrad ci pasuje praz svaje nie samyja vialikija pamiery, ale, napeŭna, budzie karysnaj u śfiery biźnies-prezientacyj.
Bolšaje ŭvahi zasłuhoŭvaje niejmaviernych pamieraŭ pryłada The Wall («Ściana») — modulny 4K-ekran z dyjahanallu 146 calaŭ, jaki vykarystoŭvaje technałohiju MicroLED ź vielmi vysokaj jarkaściu.
Jak piša The Verge, možna vykazać zdahadku, što praz vysoki košt ekran The Wall budzie vykarystoŭvacca ŭ zamožnych damach u jakaści elemienta chatniaha kinateatru.
Čytajcie taksama: Samsung anansavała «našyjnik» — dynamik, jaki macujecca da šyi i jaki čuje tolki karystalnik
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary