Санітара з Нямеччыны Нільса Хёгеля абвінавачваюць у забойстве 97 пацыентаў. Ён наўмысна выклікаў у хворых спыненне сэрца, каб затым паспрабаваць іх рэанімаваць. Медбрат ўжо асуджаны на пажыццёвае зняволенне, суд адбываецца таму, што знойдзеныя новыя ахвяры былога медыка, паведамляе Nordwest Zeitung.
Нямецкаму санітару Нільсу Хёгелю, які прысуджаны да пажыццёвага зняволення, прад'явілі абвінавачанні ў забойстве 97 чалавек за той час, што ён працаваў у двух шпіталях на паўночным захадзе Нямеччыны.
У новых раскрытых выпадках ідзе гаворка пра 62 загінулых пацыентаў у шпіталі ў Дэльменхорсце і 35 загінулых у Альденбургу. Паводле словаў пракурора, яшчэ тры выпадкі былі досыць падазронымі, але праведзеныя тэсты не пацвердзілі дадзеных следства.
Хёгель наўмысна ўводзіў пацыентаў у крытычны стан, а затым выкарыстоўваў розныя медыкаменты для іх рэанімацыі. У лістападзе мінулага года пракуратура заявіла, што Хёгель можа быць датычны да забойства больш за 100 чалавек, з тых часоў чакалася афіцыйнае прад'яўленне абвінавачанняў.
Медбрат з 1999 па 2002 год працаваў у клініцы ў Альденбургу і з 2003 па 2005 год — у медустанове ў суседнім горадзе Дэльменхорст. У 2015 годзе Хёгеля прысудзілі да пажыццёвага зняволення за два забойствы і два замаха на забойства ў Дэльменхорсце. Аднак на судзе санітар сам распавёў, што больш за 90 пацыентаў пацярпелі ад яго дзеянняў: ён наўмысна выклікаў у іх спыненне сэрца, таму што яму падабалася іх рэанімаваць.
Пасля гэтых прызнанняў Хёгеля было праведзенае расследаванне і таксікалагічная экспертыза дзясяткаў целаў загінулых у шпіталях ў Альденбургу. Паводле дадзеных пракуратуры, следчыя вывучылі больш за 500 медыцынскіх карт пацыентаў і сотні іншых дакументаў у шпіталях. Былі эксгумаваныя парэшткі 137 чалавек з 67 могілак у розных частках краіны.
Дата новага працэсу над Хёгелем пакуль не прызначаная. У Нямеччыне няма смяротнага пакарання, таму новы прысуд можа толькі пазбавіць Хёгеля магчымасці атрымаць датэрміновае вызваленне. У Нямеччыне першая такая просьба асуджанага на пажыццёвае зняволенне можа быць пададзеная праз 15 гадоў пасля ўступлення прысуду ў законную сілу.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу1
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8282
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне82
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары