Украінскія памежнікі затрымалі беларуску, якую шукаў Інтэрпал. У ноч з 27 на 28 cтудзеня яна спрабавала перасекчы мяжу ў пункце пропуску «Новыя Ярылавічы», паведамляе Tut.by са спасылкай на сайт украінскага ведамства.
На сайце Дзяржпагранкамітэта дадзеныя затрыманай грамадзянкі Беларусі не выдаюцца. Але, мяркуючы па ўсім, гаворка ідзе пра Кацярыну Пліско (Клеменсон). Гэта адзіная беларуска, якая праходзіць па базе Інтэрпала.
У міжнародны вышук 37-гадовую Кацярыну Пліско абвясцілі ўлады Даніі. Жанчыну падазраюць у выкраданні дзіцяці — 3-гадовай Евы Клеменсон. Дзяўчынка нарадзілася ў студзені 2015 года, а ўжо ў траўні мама з'ехала разам з дачкой. У паліцыю звярнуўся бацька Евы.
Пра затрыманне беларускі ўкраінскія памежнікі праінфармавалі мясцовае бюро Інтэрпала, а жанчыну перадалі работнікам Нацпаліцыі.
У адкрытай базе Інтэрпала знаходзяцца яшчэ чатыры беларусы. Яны былі абвешчаныя ў міжнародны вышук ўладамі Расіі і Балгарыі. Мужчыны падазраюцца ў забойствах, карупцыі і гандлі наркотыкамі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары