Тэрміны расследавання па справе гібелі радавога Коржыча ў кастрычніку 2017 года працягнуты, паведаміў сёння журналістам у Брэсце старшыня Следчага камітэта Іван Наскевіч.
«У ходзе расследавання гэтай справы быў выяўлены шэраг іншых фактаў нестатутных узаемаадносін не толькі ў гэтым вайсковым падраздзяленні, але і ў іншых часцях. Маладыя вайскоўцы і тыя, якія адслужылі пэўны тэрмін, пачалі даваць паказанні адносна падзей гадавой, двухгадовай даўніны, сцвярджаючы, што і яны з'яўляліся аб'ектамі гвалту з боку таварышаў па службе. Для таго каб дадаткова праверыць усе факты, якія мы маем у цяперашні момант, спатрэбіўся час. Мы не гатовыя ў найбліжэйшыя дні скончыць расследаванне па гэтым справе. Прыйшлося падоўжыць тэрміны расследавання для таго, каб поўна, аб'ектыўна і ўсебакова даследаваць усе наяўныя ў нас заявы і паведамленні аб учыненых злачынствах», — адзначыў старшыня СК.
Ён падкрэсліў, што грамадства абавязкова праінфармуюць аб заканчэнні расследавання гэтай справы.
Цяпер чытаюць
Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд18
Каментары