Трэнер беларускага футбольнага клуба папрацаваў усяго чатыры дні, бо прыйшоў на сустрэчу з заўзятарамі п'яным
Чарговая гісторыя з жыцця беларускага футбола. 16 лютага галоўным трэнерам футбольнага клуба другой лігі «Маладзечна» быў прызначаны Міхаіл Макоўскі.
Аднак ён не паспеў папрацаваць і чатырох дзён. 19 лютага адбылася сустрэча трэнера з заўзятарамі і прэсай, на якую ён, як паведамляюць футбольныя суполкі ў сацыяльных сетках, прыйшоў п'яным.
Адразу пасля заканчэння сустрэчы Міхаіл Макоўскі быў адхілены з пасады. На яго месца быў прызначаны родны брат Уладзімір, які раней быў асуджаны на 2 гады за арганізацыю дамоўных матчаў і пазбаўлены права займаць любыя пасады, звязаныя з футболам, на працягу 5 гадоў.
Аднак Уладзімір Макоўскі пратрымаўся на пасадзе яшчэ менш. Пасля абурэння заўзятараў галоўным трэнерам «Маладзечна» быў прызначаны Валер Ветраў.
Дзмітрый Лукашэнка хоча паставіць пад кантроль усе мабільныя тэлефоны11
Каментары