У студзені больш за 1 550 мінскіх кватэр адключылі ад камунальных паслуг за даўгі
У 2017 годзе ў сувязі з запазычанасцю па аплаце жыллёва-камунальных паслуг і плаце за карыстанне жылымі памяшканнямі ў 18 554 кватэрах былі адключаныя некаторыя камунальныя паслугі. У студзені 2018 года гэты пералік папоўніўся яшчэ 1 551 кватэрай, паведамляе «Мінск-навіны».
Як адзначыла галоўны спецыяліст Адзінага разлікова-даведачнага цэнтра (РДЦ) Эла Лазарава, пасля двух месяцаў запазычанасці уласнікам і наймальнікам накіроўваюць пісьмовае папярэджанне аб неабходнасці ўнесці плацяжы, уключаючы пеню, на працягу 5 дзён. У адваротным выпадку прыпыняюць аказанне некаторых камунальных паслуг. У асноўным электраэнергіі, радзей адключаюць ваду, газ і тэлеантэну.
Акрамя таго, неплацельшчыкам тэлефануюць з напамінам пра пратэрміноўку, накіроўваюць па пошце паведамленні аб неабходнасці ўнесці плату і інфармуюць аб мерах па спагнанню запазычанасці, наведваюць дом; афармляюць выканаўчыя надпісы і падаюць іскавыя заявы ў суд на спагнанне доўгу; апісваюць маёмасць, якую можна накіраваць на пагашэнне запазычанасці; накладваюць арышт на маёмасць і фінансы; могуць абмежаваць права на кіраванне транспартным сродкам і забараніць выезд з краіны. Злосныя даўжнікі могуць пазбавіцца жылля.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары