Брытанскія следчыя вывучаюць могілкі ў Солсберы, на якім пахавана жонка былога афіцэра расійскай разведкі Сяргея Скрыпаля, імаверна, атручанага нервова-паралітычным рэчывам. Пра гэта паведамляе Daily Express.
Па дадзеных выдання, з магілы забралі розныя прадметы і жывыя кветкі. Эксперты лічаць, што шпіён і яго дачка Юлія асабіста пакінулі іх там тыдзень таму.
Як дадае Daily Mail, Скрыпаль і яго дачка наведалі могілкі ўсяго за некалькі гадзін да таго, як былі знойдзеныя без прытомнасці. Звычайна мужчына купляў штучныя кветкі ў аднаго і таго ж прадаўца, а цяпер на магіле ляжаў жывы букет. Следства ў сувязі з гэтым правярае версію, што ён быў атручаны і мог быць пасланы шпіёну дадому. Да кветак магла прыкладацца паштоўка ад імя знаёмага з просьбай аднесці іх на могілкі.
Паведамляецца, што жонка Скрыпаля Людміла памерла восенню 2013-га ад раку ва ўзросце 59 гадоў. Непадалёк ад яе пахаваны і прах сына Аляксандра, які памёр у ліпені 2017 года з-за хваробы печані. Daily Express піша, што ў нядзелю, 11 сакавіка, могілкі закрылі, а парэшткі на будучым тыдні могуць быць эксгумаваныя.
Таксама, па дадзеных выдання, суседзі Скрыпаля паведамілі следчым, што бачылі, як да яго дома тыдзень таму пад'язджала машына дастаўкі. У гэтай сувязі ўсю пошту і пасылкі з памяшкання накіравалі на экспертызу. Атручэнне нервова-паралітычным рэчывам ва ўласным доме лічыцца адной з прыярытэтных версій.
У той жа час раней паведамлялася, што сляды рэчыва выявілі ў рэстаране Zizzi, дзе мужчына з дачкой абедалі.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х55
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х5
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары