У Нясвіжскім касцёле Божага цела падтапіла падземную радавую пахавальню князёў Радзівілаў. Пра гэта TUT.BY паведамілі парафіяне і пацвердзіў пробашч Пётр Шарко. Паводле яго, вада пачала паступаць у крыпту ў сераду, 7 сакавіка.
У склепе знаходзіцца больш за 70 трунаў з парэшткамі Радзівілаў. Некалькі гадоў таму іх паднялі з зямлі на дубовыя памосты, таму пахаванням нічога не пагражае. Тым не менш, сцены набіраюцца вільгаццю, што кепска для ўсяго будынка.
За некалькі гадзін вада паднялася на некалькі сантыметраў. Спачатку яе выносілі вёдрамі, потым супрацоўнікі аддзела культуры мясцовага райвыканкама прынеслі шланг і помпу. Ваду выпампоўваюць кожныя тры гадзіны.
Пробашч Пётр Шарко кажа, што прычына не ў талых водах, бо крыпту пачало падтапляюць яшчэ ў сераду, калі на вуліцы была мінусавая тэмпература. Ён мяркуе, што праблема крыецца ў сістэме водаадвядзення.
У панядзелак у касцёл павінны прыехаць рэстаўратары для вызначэння прычын і пошуку вырашэння праблемы.
Касцёл Божага цела ў Нясвіжы уключаны ў спіс Сусветнай спадчыны ЮНЕСКА. Храм знаходзіцца ў працэсе рэстаўрацыі.
Цяпер чытаюць
Лосік расказаў, як Бабарыку катавалі ў наваполацкай калоніі16
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары