У Ваўкавыску зарэгістравана ўжо 20 выпадкаў адру, паведаміла карэспандэнту БелТА намеснік начальніка аддзела гігіены, эпідэміялогіі і прафілактыкі Міністэрства аховы здароўя Іна Карабан.
«На сёння ў Ваўкавыску пацверджана 20 выпадкаў захворвання на адзёр. За людзьмі, якія былі ў кантакце з тымі, хто захварэў, вядзецца медыцынскае назіранне. Гэта дазваляе своечасова выявіць захворванне і пачаць лячэнне пацыентаў. Сярод кантактных жыхароў новых выпадкаў адру не выяўлена», — распавяла Іна Карабан.
Захворванне ў большасці выпадкаў выяўлена ў тых, хто не быў прышчэплены. Падтып адру, які зараз рэгіструецца ў Ваўкавыску, раней у Беларусі не цыркуляваў. Ён сустракаецца ў краінах Еўропы, у тым ліку ва Украіне. Гэты факт дазваляе меркаваць, што вірус быў завезены з нейкай еўрапейскай краіны.
Генатып віруса не ўплывае на цяжар захворвання, яно працякае ва ўсіх пацыентаў практычна аднолькава. Калі ў чалавека імунітэт паніжаны, ён будзе пераносіць хваробу ў больш цяжкай форме. Прадстаўніца Міністэрства аховы здароўя звярнула ўвагу, што ніколі не варта ставіць пад сумнеў эфект вакцынацыі — гэта адзіны навукова даказаны спосаб прафілактыкі захворвання.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2020
Каментары