Афіцыйны прадстаўнік расійскага МЗС Марыя Захарава абурылася ультыматумам прэм'ера Вялікабрытаніі Тэрэзы Мэй па «справе Скрыпаля». Пра гэта Захарава распавяла ў эфіры «Расія 1» у праграме «60 хвілін».
«Ніводны чалавек не можа выйсці перад парламентам сваёй краіны і сказаць: «Я даю Расіі 24 гадзіны». А гаворка ідзе пра Лондан, які з'яўляецца сталіцай ядзернай дзяржавы Каму гэта, на што яны даюць 24 гадзіны?!»- сказала Захарава.
Паводле яе слоў, калі прэм'ер-міністрам краіны з'яўляецца чалавек, які не мае дачынення да знешняй палітыкі, «пабудаваў кар'еру на папулізме» і «не ведае» аб канвенцыях па забароне хімзброі, то для яго ў рамках дазволенага «выйсці і пачаць палохаць».
Паводле яе слоў, у Брытаніі няма ніякіх рэальных доказаў датычнасці Расіі да атручвання Скрыпаля. «Пра яд ніхто нічога не ведае. Давайце казаць сумленна і аб'ектыўна. Ні Тэрэза Мэй, у якой няма ніякіх рэальна фактаў на руках.
Яе брыфінгуе незразумела хто і незразумела як», - заявіла супрацоўніца МЗС РФ.
У панядзелак прэм'ер-міністр Вялікабрытаніі Тэрэза Мэй, выступаючы ў парламенце, заявіла аб верагоднай датычнасці Расіі да атручвання экс-разведчыка ГРУ Сяргея Скрыпаля і яго дачкі Юліі ў Солсберы.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары