Стала вядома, як рагачоўскі завод працуе на расійскую вайсковую прамысловасць
Арганізацыя Belpol выдала расследаванне пра рагачоўскі завод «Дыяпраектар», які выконвае важную ролю ў забеспячэнні расійскай вайсковай прамысловасці. Гэтае беларускае прадпрыемства вырабляе ключавы кампанент — лазерны прыбор ЛВ-10, што выкарыстоўваецца ў прыцэлах «Сасна-У» для танкаў Т-72Б3 і Т-80У.
Паводле расследавання «Белпола», «Дыяпраектар» супрацоўнічае з расійскай кампаніяй «Прэцызійныя лазерныя сістэмы», якая збірае ЛВ-10 з дэталяў, перададзеных з Беларусі. Пасля зборкі гатовыя лазерныя прыборы вяртаюцца назад на завод у Рагачове для праверкі і наладжвання.
Частка кампанентаў пастаўляецца з Кітая, але таксама вырабляецца на іншым беларускім прадпрыемстве — Мінскім механічным заводзе імя Вавілава.
Пазней гэтыя гатовыя вырабы перадаюцца «Пеленгу» — найбуйнейшаму беларускаму вытворцу прыцэлаў для бранятэхнікі, які працуе на патрэбы расійскай арміі. У адпаведных дакументах пазначана, што прадукцыя прызначаная для дзяржаўнага абароннага заказу Расіі.
У 2024 годзе «Дыяпраектар» вырабіў 1800 лазерных прыбораў, што адпавядае мадэрнізацыі такой жа колькасці танкаў. Гэта значыць, што беларускае прадпрыемства фактычна ўносіць свой уклад у ваенную агрэсію Расіі супраць Украіны.
Нягледзячы на санкцыі ЗША, уведзеныя ў жніўні 2024 года, завод працягвае працу і пастаўкі. Аднак санкцыі далі эфект — расійскім вытворцам прыйшлося шукаць новыя кампаненты, выраслі цэны і пагоршылася якасць тэхнікі.
У 18-м пакеце санкцый — чатыры беларускія кампаніі і завод «Легмаш», прадугледжваюцца захады супраць беларускіх банкаў
Еўрасаюз прыняў 17-ы пакет санкцыі супраць Расіі. У спісе і Мінскі завод колавых цягачоў
Беларускі «Пеленг» судзіцца з прадпрыемствам расійскага ВПК за даўгі
Як «Інтэграл» абыходзіць санкцыі і дапамагае Расіі ў вайне
Каментары
Лягчэй заўважыць як жывелы ядуць дэнацыфіцыраваных акупантаў у лесаполцы чым танк.
Белпол, дзе санкцыі на Кітай?
Нехта мне нагадае дзе апошні ..год абодва бакі выкарыстоўвалі танкі ?
Матацыклы памятаю нешта аб аслах казалі але там іньшыя ...прыборы
Усе з усіх бакоў гандлюют " 18 пакет нават" увялі і...у дронах знаходзят ні толькі кітайскія зхемы.)))
Мабыць ні трэба " прыборы" класці...