Гомельскія медработнікі зацягнулі пенсіянерку-інваліда ў машыну «хуткай» на каленях ВІДЭА
У Гомелі адбыўся канфлікт паміж супрацоўнікамі «хуткай дапамогі» і мясцовымі жыхарамі. Відавочцы былі абураныя стаўленнем медработнікаў да пацярпелай пенсіянеркі, пішуць «Сільные новості».
Сталай жанчыне, інваліду другой групы не аказалі першую дапамогу, а пачалі зацягваць у салон «хуткай» каленамі па прыступках аўтамабіля. Цяпер пенсіянерка знаходзіцца на выцяжцы.
Пажылая жанчына ўпала на вуліцы. Мінакі дапамаглі ёй падняцца і патэлефанавалі на хатні тэлефон, каб хто-небудзь прыйшоў за бабуляй. Да пацярпелай прыбег яе зяць. Высветліўшы, што жанчына скардзіцца на моцны боль у назе і не можа перасоўвацца, сваяк выклікаў «хуткую дапамогу», паведаміўшы пра падазрэнні на пералом.
Як паведамляюць сведкі, супрацоўнікі «хуткай» не адразу змаглі заўважыць пацярпелую, нягледзячы на тое, што машына знаходзілася ў некалькіх метрах ад яе. Медработнікі ператэлефанавалі, нецэнзурна лаяліся, перш за ўсё спыталі не пра тое, што адбылося, а кім прыходзіцца мужчына, які патэлефанаваў у хуткую, гэтай пенсіянерцы. Зяць жанчыны сказаў, што прыходзіцца ёй нікім. Супрацоўнікі «хуткай дапамогі» вырашылі дзейнічаць своеасабліва: не агледзеўшы пацярпелую і не аказаўшы першую дапамогу, медыкі пачалі зацягваць пенсіянерку ў машыну. Жанчына каленамі праехалася па прыступках аўтамабіля.
Зяць, які знаходзіўся ўвесь гэты час побач, пачаў здымаць метады медработнікаў на камеру тэлефона. Абураныя такімі адносінамі медыкі, вырашылі пазбавіцца ад аператара, выклікаўшы на яго міліцыю, тлумачачы гэта тым, што ён нібыта перашкаджаў ім працаваць. Міліцыянер правёў мужчыну ў аддзяленне для давання паказанняў.
Пасля разбору лекар і медбрат «хуткай» сказалі, што нічога не ведалі пра зламаную нагу. Сваякі пацярпелай збіраюцца падаць скаргу ва ўпраўленне аховы здароўя, каб высветліць кампетэнтнасць дзеянняў супрацоўнікаў хуткай.
Каментары