У Брэсце клубніцы прадаюць па паўтара рубля, а нарыхтоўшчыкі прымаюць па 50 капеек ФОТЫ
На брэсцкім цэнтральным рынку клубніцы прадаюць па цане ад 1,5 да 5 рублёў, піша «Брестская газета».
Карэспандэнтка прайшлася па гандлёвых радах і даведалася, што прыбылі клубніцы, якімі ў той дзень тут гандлявалі, з Брэсцкага, Камянецкага, Маларыцкага, Жабінкаўскага, Кобрынскага, Драгічынскага, Іванаўскага раёнаў.
Брэстаўчанка Вольга распавяла, што родам яна з клубнічнай сталіцы Беларусі — в. Дварэц Лунінецкага раёна. Паводле яе, салодкія ягады ў іх займаюць участак каля 20 сотак. За дзень з яго збіраюць каля 270 кілаграмаў клубніц. Каб сабраць паспелыя ягады, штодня трэба ўставаць ў 4 гадзіны раніцы.
«Закупачная цана на дробнааптовым рынку, дзе ў насельніцтва скупляюць клубніцы нарыхтоўшчыкі і перакупшчыкі, змяняецца ледзь не кожны дзень, — распавяла Вольга. — Сёння (6 чэрвеня) за кілаграм даюць 1,5 рубля, а былі дні, калі за буйную ягаду прапаноўвалі не больш за рубель. За драбнейшую — 50 капеек. Залежыць кошт і ад надвор'я, калі ночы халодныя, ягад спее менш, кошт за кілаграм, адпаведна, падымаецца».
Праз тое, што перакупшчыкі пастаянна збіваюць цану, Вольга выказала сумнеў, што ў гэтым сезоне, нягледзячы на добры ўраджай клубніц, на іх удасца зарабіць.
Сярэдняя цана на клубніцы раніцай 6 чэрвеня на брэсцкім цэнтральным рынку была 2—2,5 рубля. Фота: Ала Верстава.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары