Узламаны Twitter намесніка кіраўніка прэзідэнцкай адміністрацыі
На старонцы першага намесніка кіраўніка Адміністрацыі прэзідэнта Максіма Рыжанкова 11 чэрвеня з’явіўся допіс і фота ліста на імя кіраўніка Адміністрацыі прэзідэнта Расіі Антона Вайно за подпісам Наталлі Качанавай. У лісце «ад імя прэзідэнта Беларусі Аляксандра Лукашэнкі выказваюцца прабачэнні расійскім калегам за арганізаваныя намі меры супраць Расійскай Федэрацыі ў галіне інфармацыйнай бяспекі», піша Еўрарадыё.
Як паведаміў Еўрарадыё першы намеснік кіраўніка Адміністрацыі прэзідэнта Беларусі Максім Рыжанкоў, гэты допіс ў «Твітары» ён не рабіў, а такога ліста за подпісам Наталлі Качанавай не існуе.
«Усё, што там апублікаванае, не адпавядае рэчаіснасці. І каментаваць тут няма чаго, бо ўзламаная старонка і ўзламаная мая электронная пошта. Усё, што там цяпер распаўсюджваецца, — гэта ўсё правакацыя. Тым больш, калі вы паглядзіце, то ўбачыце, што апошнім часам я ў гэтым акаўнце ніякіх дзеянняў не рабіў».
Сапраўды, апошні допіс у «Твітары» Максім Рыжанкоў зрабіў у 2016 годзе, і да канца траўня 2018 года сваім акаўтам не карыстаўся.
Пасяджэнне Вышэйшага Дзяржаўнага Савета Саюзнай дзяржавы, пра якое ідзе гаворка ў лісце, пройдзе ў Мінску 19 чэрвеня.
Адметна, што гэты допіс на старонцы Максіма Рыжанкова з’явіўся напярэдадні разгляду ў Вярхоўным судзе Беларусі апеляцыі па «справе Рэгнума» — яна прызначаная на 12 чэрвеня. Дзень, на які прыпадае святкаванне Дня Расіі.
-
У Варшаве змяніўся адрас, дзе можна падаць заяву на міжнародную абарону
-
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
-
«Нашых дзяцей з дзяцінства прывучалі да трансгендарных лялек». Шпілеўская знайшла карысць ад заходніх санкцый
Цяпер чытаюць
Чаму паліграф — не панацэя. Колькі агентаў ён бы выявіў у Каардынацыйнай радзе?22
Каментары